“Qytetarët” janë rikthyer pas disfatës së rrallë ndaj Liverpoolit në xhiron e kaluar duke fituar bindshëm takimin e sotëm (e shtunë) ndaj Newcastles.

Superylli Sergio Aguero me një hat-trick i ka siguruar tri pikë të plota Manchester Cityt në ndeshjen e zhvilluar si nikoqir në Etihad në kuadër të xhiros së 24-të të Premierë Ligë, shkruan portali arbresh.info.

Sergio Aguero realizoi me kokë golin e epërsisë për 1 me 0 në minutën e 34′ pas asistimit nga Kevin De Bryne, rezultat me të cilin edhe përfundoi pjesa e parë e takimit.

Goli i dytë nga ylli argjentinas erdhi nga pika e bardhë në minutën e 63′ të pjesë së dytë para se të finalizonte gjithçka me hat-trick në minutën e 83′ me një gol të bukur që asistues ishte Lorey Sane.

Goli i vetëm nga mysafirët u realizua nga Murphy në minutën e 67′.

Manchester City tani ka 65 pikë në krye të tabelës si lider i Premierë Ligës me 12 pikë më shumë se Manchester United që qëndron në pozitën e dytë./arbresh.info/

Shikoni të gjitha golat e realizuara në këtë ndeshje: